Prishtina Kino Kabaret

A dëshironi të bëni një film? A keni një ide/skenar të cilit dëshironi t’i ipni jetë?
A je aktor/aktore i/e cila dëshiron të merr pjesë në mikro-kinema?
A ke kamerë ose aftësi për montazhë dhe dëshiron t’i bashkohesh kësaj aventure?
Prishtina Kino Kabaret ju ofron mundësinë të gjithë artistëve - qofshin amatorë apo profesionistë - që të vinë e t’i japin jetë projekteve dhe ideve të tyre këtu në Prishtinë.

Gjatë Prishtina Kino Kabaret ju do të njoftoni miq të ri të vendeve të ndryshme të botës me të cilët do të ndani ide, punoni dhe përjetoni festivalin, derisa prodhoni projekte filmike të cilat materializohen si filmat e rinj të Kosovës.

Koncepti i KinoKabaret është “Bëj mirë me asgjë, bëj më mirë me pak, dhe bëje tani!”. Kjo rrjedh nga ideja që të krijohen filma me zero buxhet, në një periudhë të shkurtër kohore, dhe me ekip që krijohet krejtë spontanisht.

Ejani e kaloni një javë në Prishtinë. Bëhuni pjesë e KinoKabaret dhe përfitoni nga kjo mundësi. Përjetoni Festivalin Ndërkombëtar të Filmit, PriFest!

Për pyetje e më shumë informata na shkruani në: kinokabaret@prifilmfest.org

Peirudha e aplikimit për këtë edicion ka përfunduar dhe pjesëmarrësit e pranuar janë njoftuar nëpërmjet postës elektronike.

Lidhu me rrjetet tona sociale (Facebook, Instagram, Twitter) për t’u informuar për edicionin e radhës.

Seanca 6 ditore për aplikantët e pranuar fillon me 13 Korrik në ora 17:00. Shfaqja e filmave mbahet më datë 19 korrik.